Dagurinn í gær

... úfffffff ég veit ekkert hverning á að byrja á svona bloggi en ætla að reina samt, veit að ég á eftir að gera þónokkrar innsláttarvillur (vil ekki kalla þetta stafsetningarvillur) hehehe, en látum vaða....

Já dagurinn í gær var bara þokkalega góður, kláraði að setja upp nokkrar flúorlampaperur á skrifstofunni þar sem ég vinn, færði gögn frá gamla harða diskinum í vinnu-makkanum yfir í vinnu-makkann þannig að hann virkar, fékk mér kaffibolla að þessu loknu og tjattaði við vinnuveitandann um kaup á vörubíl eða öllu heldur dráttarbíl fyrir olíuborpallaherminn. Henntist með honum út til að skoða og sjá hvað væri til sölu og hvað hentar fyrir þetta stóra verkefni.

Jú jú rétt til getið þá er ég á leiðinni í enn eitt starfið eða öllu heldur að bæta við mig starfi innan fyrirtækisins, verð líklega bílstjóri fyrir olíborpallaherminn :c)

ooo á meðan ég man, það var vinur minn Ofur Baldur sem kom mér af stað í bloggið en ég var svo busy að ég gerði ekki neitt í því fyrr en vinur minn hann Gunnar Hávarðarson sagði "lengra og ekki hingað".... bara til að hafa hlutina á hreinu.

... en aftur að vinnunni, ég byrjaði hjá fyrirtæki sem heitir 2 Media AS sem ljósmyndari, gékk mjög vel og allt það þar til að fyrirtækið var selt fyrir skemstu, á sama tíma og ég vann þar var ég að vinna hjá gröfufyrirtæki en bara stutt og einnig hjá móðurfyritæki 2 Media sem heitir First Interactive (www.first-interactive.com), þar hef ég verið að gera sitt lítið af hverju, meðal annars farið til Singapore að setja upp eitt st. olíuborpallahermi, skemmtileg ferð og jafnframt svolítið erfið. Í dag starfa ég eingöngu hjá First... og þá aðallega sem húsvörðu eða þannig, Það hefur vantað mann eins og mig lengi, það þarf að skipta um perur, laga hurðir, setja upp nýjar innréttingar fyrir nýjar skrifstofur, þvo gluggana, hjálpa til við hitt og þetta og svo það nýjasta að ég verð að öllum líkindum bílstjóri hjá fyrirtækinu ásamt ýmsu öðru.

Ég læt þá staðar numið og kem mér í vinnuna, það er stór dagur frammundan, val á bíl í dag og fl. fl.

...góðar stundir

Don Roberto